開扑(三)

開扑三日，開始去諗究竟以後我可以寫乜野入呢個扑呢？

「最簡單就梗係將自己既生活好似真人騷咁用文字寫出黎啦」
之不過我個個禮拜都係返工放工返歸食飯訓覺，換言之，我咪即係日日Copy & Paste就攪掂？

「OK，你寫得detail少少咪得囉，譬如「今日食晏果碟飯好難食下又多油仲要好?下添」」
老老實實有邊日出去食既飯唔係咁先得架，你唔係以為某大快餐店果D飯真係同Poster果D一樣卦。而且淨係咁樣寫法，我諗不出3年我寫既字數真係多過倪匡咁多本小說。

「咁一係寫你既工作經歷或者體驗啦」
呢D野唔係應該寫入Resume度咩？我只不過係一條打份牛工既契弟遮，又唔係好似CK兄或者渣估兄咁做老細，要寫既一開波就梗係鬧阿頭架啦仲會有第二瓣？

「大佬呀，咁你想Up咩咪寫咩野囉，家下差人拉牙？」
雖然話呢個扑係我渣旗，之但係我笨唔能夠是但丟低一句「X！！！！！」咁就呃篇文嘛，我似D咁Cheap既人咩！

「咁你諗唔到寫乜果日咪唔寫囉！」
你知唔知咩野叫做扑呀，係Weblog，即係要黎Log野架嘛，邊有可能成日流流長都冇野Log？咁同死Server有咩分別？咁樣實俾D客插死啦。

「你何來有客呀又？」
..
....
......

放鬆D啦香港人。