大升市中再尋寶

12月下半個月實在太忙，所以寫blog既時間都用黎休息同埋玩。聖誕新年假期差不多全貢獻了給太太和朋友，適逢網路癱瘓更有藉口跳出網上世界。

黎到07年，估唔到會係股市不斷創新高，中資股依然日日照升如儀，細膽驚青如我也於新年前將手頭上的中油香港及工行賣出。面對股市升跌幅度越來越大的環境，為免爆血管還是減持為妙。

雖說減持為妙，但仍識過膽粗粗買入中交建及錦江酒店並持有幾日，勢估唔到收獲已有10巴仙，開心之餘擔心更大，開心當然係賺到錢，擔心就係呢種市況很難搵出增長之餘又有合理價格既好股。在傳言消息滿天飛時，好容易做錯決定，所以趁機空倉冷靜一下。

未來股市其中一個利好消息相信係08奧運，呢個消息相信亦最少會影響到07年尾，所以相關既股票亦會有一定升值潛力。那些股票會有關連？價格又相對地落後呢？我估計其中一類是造酒業。正如世界杯曾令啤酒需求激增，我相信於中國亦會有相似效應。但現在言之尚早，還是用多點時間多加留意奧運的進展來得更實際。